Boletin 11. 2006 urteko abendua
Jostailu bat erosterakoan kontuan hartu beharrekoak

Erosterakoan:

• Jo ezazu behar bezala onetsitako establezimenduetara, Gabonen ondoren desagertzen diren dendak saihestuz.
• Aukeratu adin bakoitzerako jostailu egokia, etiketen azalpenak arretaz irakurriz eta establezimenduko langileei aholkua eskatuz.
• Kontuan izan haurraren nahiak, jolas edo jostailurik inposatu gabe; jostailurik onena haurren irudimena garatzen eta partaidetzazko jolasa bultzatzen dituena da. Ez erosi jostailu konplexuegirik.
• Aztertu ondo jostailuak, beharrezkoa izanez gero haiek probatuz, eta egiaztatu edukia bilgarrian dioenarekin bat datorrela.
• Gorde erosketaren faktura, geroago erreklamazioren bat egin behar bada ere.

Erabili aurretik:

• Irakurri arretaz erabilera argibideak eta gainerako oharrak: muntaketa, babes ekipamendua, arreta neurriak.
• Gorde fabrikatzaile edo banatzailearen datu guztiak; baliagarriak izan daitezke erreklamazioren bat egin behar bada.

Jostailu bat erosterakoan gogoratu beharrekoak

Etiketa:

• Jostailuaren etiketa edo kaxan hurrengo informazioa azaldu behar da derrigorrez:
  • Fabrikatzailearen edo EEEko agente inportatzailearen izena, marka erregistratua eta helbidea.
  • EEE markak jostailuak Espainiako eta Europako segurtasun arauak betetzen dituela bermatzen du.
  • Erabilera argibideak eta jostailua modu seguruan erabiltzeko aholkuak.
• Jostailu batzuen etiketetan, goian aipatutako datuez gain, hurrengo informazioa azaldu behar da: “Ez da gomendatzen 36 hilabetetik beherako haurrentzat”, “heldu baten laguntzarekin erabiltzea komeni da” edo “aldizka berrikustea komeni da”.

Segurtasun oharrak:

• Pelutxezko panpina bat erosiz gero, egiaztatu begiak ezin zaizkiola erraz kendu, haurrak irentsi ez ditzan.
• Egiaztatu jostailuak ez duela ertz zorrotzik edo puntarik.
• Korronte elektrikoaz dabiltzan jostailuek segurtasun entxufeak eduki behar dituzte; hala ere, ez da gomendagarria horrelako jostailuak erostea.
• Haurtxoentzako jostailuak gai hautsezinez eginda egon behar dira.
• Gorde beti erosketaren ordainagiria edo faktura, erreklamazioren bat egin behar bada.